#Konservatoriya_NF
#Şeberlik_sabaǵı
Usı jıldıń 12-iyun kúni Ózbekstan mámleketlik konservatoriyası Nókis filialınıń saz atqarıwşılıǵı qánigeliginde tálim alıp atırǵan student-jaslar uşın Mámleketlik akademiyalıq xalıq sazları orkestriniń joqarı dárejeli sázendeleri Abdimurod Fazilov, Öktam Umirov hám Özbekstan kompozitorlar hám bastakorlar birlespesi aǵzası Köpaysin Dexqonovlar şeberlik sabaqların alıp bardı.
Ustazlarımız şeberlik sabaqtı professional tárizde ótti, student-jaslarımızdıń qáte-kemşiliklerin túsindirdi, úgit-násiyatların ayttı.
Sonday-aq, filialımızdıń xalıq sazları orkestri menen birgelikte janlı namalarda atqardı.
Bul şeberlik sabaǵınan student-jaslarımız ózleriniń ámeliy bilimlerin elede bekkemledi hám úlken tásirler aldı.
Şeberlik sabaǵı juwmaǵında filialımız direktorı R.Allanbaev ustazlarımızǵa ayrıqşa minnetdarşılıǵın bildirip, húrmet jarlıqların tapsırdı.
