Namangan davlat universiteti rektori talabalar turar joyiga taşrif buyurdi
Mamlakatimiz rahbari tomonidan ta’lim tizimini rivojlantiriş, şuningdek, talaba-yoşlar bilan bevosita muloqotni kuçaytiriş hamda ularning muammo va takliflarini joyida örganiş yuzasidan berilgan topşiriqlar ijrosini ta’minlaş maqsadida Namangan davlat universitetida izçil işlar amalga oşirilmoqda.
Xususan, “Rektor yotoqxonada — bir kun, bir tun” loyihasi doirasida universitet rektori Abduğaffor Qirğizboyev talabalar turar joyiga taşrif buyurib, talaba-yoşlar bilan oçiq va samimiy muloqot ötkazdi.
Uçraşuv davomida talabalar tomonidan turar joy şaroitlari, ta’lim sifati, böş vaqtni mazmunli taşkil etiş, bandlik masalalari hamda kelgusidagi rejalarga oid dolzarb taklif va muammolar ilgari surildi. Bildirilgan barça murojaatlar rektor tomonidan diqqat bilan tinglandi hamda ularni ijobiy hal etiş yuzasidan aniq vazifalar va amaliy takliflar belgilab berildi.
Şuningdek, rektor talabalar turar joyida yaratilgan şart-şaroitlar bilan yaqindan tanişdi. Örganişlar jarayonida aniqlangan kamçiliklarni bartaraf etiş, yaşaş şaroitlarini yanada yaxşilaş böyiça mas’ul xodimlarga tegişli topşiriqlar berildi.
Mazkur taşabbus talaba-yoşlar bilan töğridan-töğri muloqotni yölga qöyiş, ularning muammo va ehtiyojlarini joyida örganiş, şuningdek, ta’lim muassasasida oçiqlik va şaffoflik muhitini mustahkamlaşda muhim ahamiyat kasb etadi.